Hopp til toppmenyen på siden Hopp til hovedinnholdet på siden

Biebmodoalvun

Jus don orut ruovttus, ja lea váttis ráhkadit gaskabeivviid alccesat, de sáhtát oažžut borramuša buktojuvvot ruoktot.

Govvádus

Jus don orut ruovttus, ja lea váttis ráhkadit gaskabeivviid alccesat, de sáhtát oažžut borramuša buktojuvvot ruoktot. Sáhttá leat liegga dahjege galbma gaskabeaiborramuš  mii dolvojuvvo dutnje ruoktot oktii dahje máŋgga geardde vahkkui.

Ulbmiljoavku

Boarrásat dahje doaimmashehttejuvvomat geat orrot ruovttus.

Kriterat/eavttut

Buozalmasvuohta, boarisvuohta dahje eará sivat dagahit ahte don it nagot áimmahuššat boradandárbbuidat.

Lover

Bálvalus ii leat láhkageatnegas. Biebmodoalvuma sáhttá fállat vai gokčá dakkár veahkkedárbbu mii addá rievtti dán bálvalussii. Dakkár dáhpáhusain addo dát bálvalus dearvvašvuođa- ja sosiálabálvaluslága mielde.

Forvaltningsloven
Helse- og omsorgstjenesteloven
Kvalitetsforskrift for pleie- og omsorgstjenestene
Forskrift om egenandel for helse- og omsorgstjenester

Bagadus - mo čađahit dahje oažžut bálvalusa

Sáhtát váldit oktavuođa suohkaniin vai oaččut veahki ohcat biebmofievrredeami, dahje sáhtát earáid oažžut veahkkin ohcat jus dárbbahat. Jus muhtin eará ohca du ovddas, de ferte sus leat doaimmahanváldi.

Mildosat

Don fertet bidjat mielde dieđuid doaimmahanválddi birra jus muhtin eará ohca du ovddas.

Áššemeannudeapmi

Suohkan galgá viežžat dieđuid maid dárbbaša vai sáhttá meannudit ášši. Dasto mearriduvvo ášši. Dábálaččat oaččut ákkastallama oktan mearrádusain. Oaččut álo ákkastallama jus lea jáhkehahtti ahte it šatta duhtavaš mearrádusain. Jus ákkastallan ii čuovo mielde, de oaččut dan go válddát oktavuođa suohkaniin ovdal mearrádusa váidináigemearri dievvá.

Áššemeannudanáigi

Suohkan galgá meannudit ášši nu jođánit go vejolaš. Jus ášši ii sáhte meannuduvvot mánu sisa, de galggat oažžut čálalaččat dieđuid daid ákkaid birra. Galggat seammás oažžut dieđuid goas jáhkket mearridit ášši.

Váidalanvejolašvuohta

Jus it leat duhtavaš mearrádusain, de sáhtát váidalit suohkanii ovdal váidalanáigemeari mii lea golbma vahkku dan rájes go ožžot mearrádusa. Čilge mainna it leat duhtavaš ja manin oaivvildat ahte mearrádusa ferte rievdadit. Jus dárbbahat bagadallama, sáhtát váldit oktavuođa suohkaniin. Jus suohkan doalaha iežas mearrádusa, de sáhtát váidalit viidáset Fylkkamánnii guhte de mearrida galgá go váidda váldojuvvot vuhtii.

Tjenesten oppdatert: 08.05.2020 13:54