Hopp til toppmenyen på siden Hopp til hovedinnholdet på siden

Doarjja orrunviesu heiveheapmái

Jus dus lea dárbu erenoamážit heivehit orrunviesustat, de sáhtát ohcat suohkanis doarjaga mii gokčá buot dahje osiid dáin goluin.

Govvádus

Jus dus lea dárbu erenoamážit heivehit orrunviesustat, de sáhtát ohcat suohkanis doarjaga mii gokčá buot dahje osiid dáin goluin.   

Doarjja addojuvvo erenoamážit heivehit du dálá orrunviesu dahje jus galggat hukset dahje oastit orrunviesu. Lea maid vejolaš ohcat Viessobáŋkkus doarjaga prosjekteremii ja čielggadeapmái ovdagihtii.

Ulbmiljoavku

Olbmot geain leat heajos doaibmannávccat

Kriterat/eavttut

Du erenoamáš dárbbut heiveheapmái árvvoštallojuvvojit ja nu maiddái ruovttu ekonomalaš dillii.

Ovttasbargit

Viessobáŋku

Bagadus - mo čađahit dahje oažžut bálvalusa

Ohcama galgá čállit HB 7.S.13 skovvái. Skovi oaččut suohkanis dahje njuolggogeainnus dás vuolábealde.

Mildosat

Mildosiid birra diehtu 8. čuoggás ohcanskovis.

Áššemeannudeapmi

Suohkan háhka daid dieđuid maid dárbbaša vai sáhttá mearridit ášši. Dasto dahkko mearrádus. Dábálaččat čuovvu čilgehus mearrádusa mielde. Čuovvu álo vuođuštus jos sáhttá jáhkkit ahte šattat duhtameahttun mearrádusain. Jos čilgehus ii čuovo, de sáhtát oažžut dan go válddát oktavuođa suohkaniin ovdalgo mearrádusa váidináigemearri dievvá.

Áššemeannudanáigi

Ohcamuša galgá suohkan meannudit nu jođánit go vejolaččat. Jus ášši ii sáhte mearriduvvot mánu sisa, de galggat oažžut čálalaš dieđu dan birra ja mii dasa lea sivvan, seammás go oaččut dieđu goas doivot mearrádusa dahkkot.

Váidalanvejolašvuohta

Jos leat duhtameahttun mearrádusain, sáhtát váidit ovdal áigemeari, mii lea golbma vahku dan rájes go ožžot mearrádusa. Čilge mainna leat duhtameahttun ja manin don oaivvildat mearrádus berre rievdaduvvot. Ákkastala áinnas ođđa lassi dieđuiguin. Suohkana iežas váiddalávdegoddi lea váiddaásahus.

Tjenesten oppdatert: 11.05.2020 15:40