Hopp til toppmenyen på siden Hopp til hovedinnholdet på siden

Geavaheaddji stivrejuvvon persovnnalaš veahkki

Leatgo don olu doaimmashehttejuvvon ja dárbbašat praktihkalaš ja persovnnalaš veahki beaivválaš eallimis, de sáhtát ohcat geavaheaddji stivrejuvvon persovnnalaš veahki (GPV).

Govvádus

Leatgo don olu doaimmashehttejuvvon ja dárbbašat praktihkalaš ja persovnnalaš veahki beaivválaš eallimis, de sáhtát ohcat geavaheaddji stivrejuvvon persovnnalaš veahki (GPV). Daid diibmologuid siskkobealde maid oaččut juolluduvvot, sáhtát goit prinsihpas ieš stivret gean háliidat alccet veahkkin ja maid veahkit galget bargat. Mihttomearrin leat ahte galggat oažžut eanemus lági mielde aktiivvalaš eallima vaikko leat ge doaimmashehttejuvvon.

Ulbmiljoavku

  • Doaimmashehttejuvvomat geain lea ovttastuvvon ja olu dárbu bálvalussii ja gii nákce jođihit veahki (váldit bargojođihanrolla)
  • Olbmot geat eai nagot ieža fuolahit dán rolla ieža, nu go ovdamearkka dihte olbmot geain leat  psyhkalaš ovddádusvádjit
  • Bearrašat geain leat doaimmashehttejuvvon mánát

Kriterat/eavttut

Olbmot geat eai nákce fuolahit iežaset, dahje leat sorjavaččat praktihkalaš dahje persovnnalaš veahkis vai galget birget beaivválaš dilis.

Lover

Dát lea láhkageatnegas bálvalus dearvvašvuođa- ja fuolahusbálvaluslága vuođul ja divššohas- ja geavaheaddji vuoigatvuođalága vuođul.

Forvaltningsloven
Helse- og omsorgstjenesteloven
Pasient- og brukerrettighetsloven

Bagadus - mo čađahit dahje oažžut bálvalusa

Sáhtát váldit oktavuođa suohkaniin oažžun dihti veahki ohcat geavaheaddji stivrejuvvon persovnnalaš veahki, dahje sáhtát sihtat earáid ohcat iežat ovddas jus dan dárbbašat. Jus muhtin eará ohca du ovddas, de ferte sus leat doaimmahanváldi.

Mildosat

Ferte bidjat mielddusin doaimmahanválddi jus muhtin eará ohca du ovddas.

Áššemeannudeapmi

Suohkan viežžá dárbbašlaš dieđuid vai sáhttá meannudit ášši. Dasto mearriduvvo ášši. Dábálaččat oaččut maid ákkastallama mearrádusa mielde. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mearrádusreivve, de sáhtát oažžut dan go válddát oktavuođa suohkaniin váidináigemeari siskkobealde.

Áššemeannudanáigi

Suohkan galgá meannudit áššu nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu das manin meannudeapmi lea maŋŋánan. Galggat maid oažžut dieđu goas sáhtát vuordit ahte du ášši mearriduvvo.

Váidalanvejolašvuohta

Jus leat duhtatmeahttun mearrádusain, de sáhtát váidit suohkanii áigemeari siskkobealde mii lea golbma vahku dan rájes go ožžot mearrádusreivve. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, de váldde oktavuođa suohkaniin. Jus suohkan doalaha mearrádusas, de sáddejuvvo ášši viidáset Fylkkamánnii, guhte mearrida galgá go váidda váldojuvvot vuhtii.

Tjenesten oppdatert: 04.05.2020 12:50