Givssideapmi – vuostedoaibma

Buot ohppiin skuvllas lea riekti buori skuvlabirrasii mii ovddida dearvvašvuođa, loaktima ja oahppama. Buot bargiin lea geatnegasvuohta guorahallat, dieđihit ja vejolaččat maiddái dahkat juoidá jus ožžot dieđu dahje várohit ahte skuvllas lea givssideapmi, doaruheapmi, rasisma dahje ahte oahppit loavkahuvvet. Skuvla galgá váldit vuhtii  ávžžuhusaid doaibmabijuid ektui maid oahppit ja ovddasteaddjit evttohit mii guoská psykososiála birrasii, ja galgá govttolaš áiggis dahkat čálalaš mearrádusa.

• Vuođđoskuvlla ja joatkkaskuvlla oahppit
• Oahppit geat leat skuvlla astoáiggefálaldagas

Null mobbing
Om digital mobbing og personvern
Barneombudet om mobbing

Privatskolelova
Forskrift om helse og miljø i barnehager, skoler og skolefritidsordninger
Opplæringslova

Sihke oahppit, ovddasteaddji ja ráđit ja bargojoavkkut geat sin ovddastit, sáhttet bivdit ahte skuvlabirrasis álggahuvvojit doaibmabijut mat gusket psykososiála birrasii. Okta oahppi sáhttá šaddat sirdit eará skuvlii jus eará ohppiid vuhtiiváldima ektui lea dat buoremus. Ágga sáhttá leat ahte son givssida ovtta dahje eanet ohppiid. Ovdal go mearriduvvo ahte oahppi galgá sirdojuvvot, de galget eará doaibmabijut geahččaluvvot.

Skuvla galgá gieđahallat ášši nu jođánit go vejolaš. Jus ášši eai sáhte mearridit mánu sisa, de galggat oažžut čálalaš dieđu ákka birra. Galggat seammás oažžut dieđihuvvot goas vurdo ahte ášši mearriduvvo.

Go mearrádus lea dáhkkon, de gustojit dábálaš váidináigemearit hálddašanlágas. Váidináigemearri lea golbma váhku dan rájes go ožžot mearrádusreivve. Jus skuvla, maŋŋel go lea ožžon áiggi árvvoštallat ášši, ii leat dahkan makkárge mearrádusa, de sáhttá goitge váidit dego livččii dáhkkon áššis mearrádus. Váidda galgá leat čálalaččat ja galgá ákkastallojuvvot. Váidda addo skuvlii. Váidagis galggat dieđihit makkár rievdadusaid háliidat ja ákkastallat dan. Váiddainstánsa lea Fylkkamánni. Ovdal go váidda sáddejuvvo dohko, de galgá skuvla árvvoštallat galgá go rievdadit mearrádusas. Jus mearrádus doalahuvvo, de sáddejuvvo ášši viidáset Fylkkamánnii.