Lekser og leksehjelp

For nokre skular er det politisk bestemt at skulen skal vere leksefri. Når dette ikkje er bestemt, er det opp til kvar enkelt skule om dei skal gi lekser.

 

Alle skular har leksehjelp, anten skulen din gir lekser eller ikkje. Det kan variere ved kvar skule korleis leksehjelpa blir gitt. Tilbodet om leksehjelp kan gjelde alle elevar, eller det kan gjelde enkelte trinn eller berre eit visst tal elevar.

Leksehjelp er noko alle skular tilbyr, men det er ikkje noko som foreldre kan søkje om, då det er del av oppdraget til skulen.

Skulen vil gi informasjon om leksehjelpeordningane.